Á espera da auga en Pantón


Non haberá auga nas parroquias de Santiago e San Vicente de Castillón, nin en Santo Estevo do Mato «porque non é unha das prioridades» do Concello de Pantón, segundo a literalidade do votado esta semana polo Partido Popular no pleno municipal.

E ollo, temos diñeiro suficiente para facer tales obras, que o alcalde cifra en 500.000 euros, mais considera moito máis urxente e prioritario: arranxar o edificio do Concello, poñer xardineiras en Ferreira, comprar unha finca no Monte Baliño para ampliar o campo de fútbol, arranxar e aumentar as pistas e instalacións das piscinas, entre outras obras.

Isto é a linguaxe dos feitos, o demais son promesas para unha veciñanza que só lle interesamos en época electoral, e á que nos despreza tamén co abandono ao que nos ten sometida: temos unhas pistas en estado de descomposición, «os arredores non se mondan porque ao chover igual hai que volver mondar e por iso se agarda á metade de xullo para empezar coas rozas», manifestou neste pleno ante unha moción do BNG que solicitaba aos entes provincial e municipal o mantemento destas infraestruturas ben rozadas, por responsabilidade e prevención de accidentes e incendios.

É importante lembrarlle ao alcalde que quen vivimos nas aldeas temos o mesmo dereito que nos espazos urbanos, e que vivir na Ribeira de Atán, en Acedre, Espasantes, Castillón ou no Mato, por citar algunhas, non pode ser peor que facelo na capital municipal en canto a servizos e ao trato que nos debe o goberno municipal, cuxo titular habita tamén nunha aldea, algo que parece esquecer cando asina obras.

Autor Rosana Prieto Voceira BNG en Pantón

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Á espera da auga en Pantón