?n Galicia non se fixo aínda un catálogo sistemático das foxos de lobos que se conservan na actualidade. No referido estudo contabilizáronse no territorio galego sete foxos de paredes converxentes e outros catro de tipos máis simples. En tempos recentes foron restaurados os foxos de Reira, no municipio de Camariñas, e da Lama, en Ponte Caldelas. Estas construcións, dunhas dimensións considerablemente menores que as do foxo do Incio, son amplamente utilizadas como recurso turístico-cultural. O foxo de Monteagudo encóntrase nunha ladeira que baixa ata o arroio de San Miguel non lonxe da Ruta do Ferro. A Dirección Xeral de Patrimonio estudouno a petición do etnógrafo Xosé Manuel González Reboredo, quen soubo da súa existencia por unha reportaxe publicada no seu día en La Voz de Galicia.