De carne e óso


Manuel Portas une o seu nome á longa nómina de voces galardoadas nun dos premios máis relevantes de novela galega como é o Blanco Amor. O xurado da pasada trixésimo sétima edición decidiu que o premio recaese en Por puntos: unha novela que se sitúa no mesmo ronsel, en canto a liñas argumentais que, con algunha excepción como é o caso de Lourenço, xograr, exhibe adoito nas súas propostas narrativas, isto é, esa inclinación nada oculta por adentrarse, desde atmosferas contemporáneas, polos camiños que nos achegan con transparencia, e cando cómpre con humor, a diversas tramas onde o relevante resulta ser a solidez coa que se deseñan os personaxes, sempre de carne e óso, case tanxibles e operativos para que con eles se afonde nas plurais dimensións das relacións humanas. Velaí como os comportamentos ou as actitudes de todos eles perfilan, coas súas miserias e grandezas, como na realidade son -quizais tamén como somos- sen esquecer que entre o branco e negro hai sempre unha escala cromática que debemos aprender a ver.

En Por puntos vai erixíndose, aos poucos, unha cartografía individual e coral -alicerzada nun rexistro expresivo desposuído de grandilocuencias, coidado, áxil e que imprime sempre verosimilitude- para revisar a fondo as esperanzas e desesperanzas dun grupo de persoas que se ven obrigadas a compartir catro xornadas dun curso de reeducación para recuperar o carné de conducir. Desde esa instancia, desde a obrigada convivencia que se deriva desa situación, é como cobran corpo as diferentes biografías ficcionais, as máis vítimas delas mesmas, marcadas pola soidade e o illamento, por termaren dunhas vidas infelices sen moitos horizontes, pola necesidade de comunicación e, en ocasións, pola procura de alguén con quen compartir confidencias e alumear as posibilidades dun futuro, onde o extraordinario ou o sorprendente pode acontecer.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

De carne e óso