Aventuras esotéricas en Roma

O policía Doroteo acuña dá o salto da novela xuvenil á adulta


Pode un policía dar o salto da novela xuvenil á narrativa para adultos? Velaí temos o caso de Doroteo Acuña. Coñecímolo a finais dos oitenta en A malvada María Xosé, entre rapaces de instituto e espionaxes informáticas, e reaparece agora en Demos de verán, unha parodia das intrigas esotéricas que asaltan a cada pouco as listas de libros máis vendidos. Desta volta, Acuña está xubilado e recibe unhas cartas que lle manda dende Roma o seu amigo Francisco Bouzón, un avezado xornalista co que tempo atrás investigara un misterioso suceso acontecido nunha vila mariñeira. E das escuridades dese episodio, sepultado na longa noite do franquismo, Vázquez Freire lévao de viaxe á Roma recente para metelo nun enguedello relixioso en compañía dunha monxa. Así que non é salto calquera para este inspector coruñés que le o xornal na cafetería do hotel Riazor. O argumento en que se ve implicado toma como libre fonte de inspiración o caso Edelweiss, unha seita que baixo a aparencia dun grupo de montaña agochou durante anos abusos sexuais a menores. Pero non hai razóns para que pensemos nunha intriga derramada polo detalle escabroso. Todo o contrario. A historia avanza cun pé metido no thriller relixioso e outro na comedia lixeira con abondosas tinturas didácticas. Quizais non podía ser doutro xeito, sabendo de onde provén o protagonista. Acuña nunca se considerou un policía exemplar, pero imítase unha miga a Maigret. Que volva facendo parella coa monxa Constanza.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Aventuras esotéricas en Roma