Desde Unión General de Trabajadores (UGT) Pontevedra, os últimos datos da Encuesta de Población Activa (EPA) nos parecen altamente preocupantes. Estar con esta elevadísima tasa de paro e con perspectivas a curto e medio prazo de que se incremente, require actuacións urxentes por parte das diferentes Administracións. Todas as propostas que se poñan en marcha teñen que facerse de cara a minorar os efectos da crise económica e asentar as bases do crecemento futuro e a mellora da competitividade da nosa comarca, especialmente afectada pola crise en sectores como servizos e construcción.
As políticas de recortes inxustos e picoteo fiscal e a obsesión polas políticas de axuste que están imperando en Europa en nada están e tampoco van a contribuír no futuro máis inmediato á recuperación económica e, polo tanto, ao emprego.
Pontevedra non está illada nesta conxuntura global, polo que a actual situación céntrase sobremaneira nas dificultades que encontran os pequenos e medianos empresarios e emprendedores en conquerir os aportes financeiros para levar adiante os seus proxectos, xermolos de contratacións e, en definitiva, de recuperación económica.