Vinte anos non son nada


Parece que foi onte, pero acaban de cumprirse vinte anos da fundación do Museo Casa do Patrón, cheos de longos e intensos días de traballo, ilusión, solidaridade e mesmo sacrificio de innumerables persoas que apostaron por esta iniciativa, que xurdiu da nada, como por arte de maxia. Cada vez que contemplo incrédulo a chegada a Codeseda dalgún dos 250 autobuses que nos visitaron este ano que remata, recordo con morriña aquela aldea da miña infancia, chea de lameiros, á que era imposible acceder en coche, poboada por humildes e esforzados labregos cun horizonte sombrío.

Pero un bo día, cando fomos capaces de secar as amargas bágoas que nos empañaban os ollos pola partida dos nosos devanceiros , levantamos a cabeza, con mirada firme cara ó futuro, e todo cambiou: decatámonos de que continuaban con nós, porque nunca se foran: están aquí, ó noso lado, cada vez que empuñamos un arado, moemos o gran nos muíños de regueiro, tecemos nun tear tradicional, cocemos no forno de leña, subimos á aurela do castro, plantamos unha árbore, ? Partindo desta básica pero sólida premisa, acompañada de moito traballo colectivo e espíritu de sacrificio da totalidade dos veciños, contando coa inestimable colaboración de milleiros de galegos humildes e xenerosos, convertimos unha ilusión en realidade: transformar aquela illada e descoñecida aldea no conxunto etnográfico maior de Galicia, visitado por máis de 12.000 persoas ó ano. E mudamos o noso xeito de vida. En Codeseda xa non hai vacas, senón guías turísticos, monitores de tempo libre, artesáns, testemuñas vivas das alternativas do medio rural.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Vinte anos non son nada