? BNG de Deza e Tabeirós celebrou onte en Lalín a súa asamblea comarcal, que tiña como obxecto o refrendo das propostas da executiva nacional dos cabezas de listas polas catro provincias galegas, na que se plantexaba como contrapunto o voto particular de Xosé Manuel Beiras. A asamblea, que contou con representación de ámbalas dúas comarcas, rexistrou diversas intervencións por parte dos asistentes, que finalmente fixeron a votación entre as dúas propostas. Polo tenor das intervencións, a previsión era que a asamblea refrendase por moi ampla maioría -ao peche desta edición a votación non se tiña producido aínda- aos candidatos propostos pola executiva, entre as que se atopa Carme Adán, con vínculos familiares en Lalín, como cabeza de lista por Pontevedra. O Consello Nacional deberá refrendar aos candidatos mañá xoves.