?un fútbol irregular, plagado de altibaixos, o Estradense descubríu o domingo que se sente xogando na Primeira Rexional. O Juvenil de Ponteareas sufríu a necesidade de victoria do ata hai uns meses equipo de Preferente. Na Baiuca, 2-0, pero sen alardes nin convencementos ao público. Unai, por dúas veces, e Chenel desperdiciaron tres boas oportunidades de encarrilar o choque nos 10 primeiros minutos. Os seus erros deron lugar ao primeiro bache de xogo local, interrumpido polo 1-0 de Unai (min 28), un cabezazo a centro de Uzal desde a banda dereita. As alternativas marcaron o segundo período. O Juvenil adiantou as súas liñas en busca do empate. Non o conseguíu, e a expulsión dun dos seus homes a 5 minutos do final facilitou o 2-0, obra de Rafita no tempo de desconto ao empalmar un pase atrás de Vicente. Carregal alineou nesta primeira ocasión a Casca, Toni, Pena, Checho, Guti, Iago, Chenel (Vicente, min 80), Uzal (Eneko, min 70), José Ramón (Rafita, min 65), Diego Castro e Unai. O técnico vermellón felicitouse por ter espantado a pantasma da derrota e o seu pernicioso efecto psicolóxico no debú de categoría. Pero non esquece que «temos que xogar moitísimo mellor».