Dun equipo da máxima categoría de Portugal, o outro da Liga Asobal española. Os homes de Dioni disputan hoxe o seu segundo amistoso en Agolada fronte o equipo local (Primeira Territorial) e todo un clásico do balonmán nacional, o Cangas do Morrazo. A partir das seis da tarde, no pabellón municipal, os afeccionados poderán deleitarse cunha das mellores escadras galegas en pleno, coa única ausencia do chileno Oneto, presente coa súa selección nos Xogos Sudamericanos. As figuras canguesas, Javier Rodríguez e Suso Soliño, e as fichaxes deste ano, Xavi Pérez , Thorlindsson, Kim e Enríquez, estarán na cancha agolense. Repítese deste xeito o cartel do triangular das Festas de San Pedro, coa diferencia de que entón o Cangas só viaxou con catro homes da Asobal. Os do Morrazo afrontan o compromiso como o primeiro amistoso da pretempada, trala súa presentación o venres. Pesie á envergadura deste rival, Dioni contempla o triangular coma «un entrenamiento más». Camilo, Pajarín y Zalo entrarán nesta segunda convocatoria do Portadeza, da que se caen Agus, Pedreira, Carbón, Granja e José Antonio.