Deseñadores galegos organizan o seu primeiro encontro en Rianxo

Varios profesionais do deseño galego, entre outros Pepe Barro, Marcos Dopico e Óscar Otero, porán en común a súa experiencia neste campo participando nas diferentes actividades


Redacción / La Voz

A Asociación de Deseñadores Galegos (DAG) organiza o primeiro encontro galego para analizar a situación da profesión no seu entorno máis próximo. A xuntanza celebrarase os vindeiros venres e sábado (xa 1 de agosto) no auditorio do Concello de Rianxo. A entrada é libre ata completar o aforamento, pero tamén se pode garantir a praza enviando un correo electrónico á asociación (info@asociaciondag.org).

Varios profesionais do deseño galego, entre outros Pepe Barro, Marcos Dopico e Óscar Otero, porán en común a súa experiencia neste campo participando nas diferentes actividades programadas ao longo dos dous días que dura o evento.

Os debates e as conferencias tratarán temas de amplo espectro, como a tipografía na identidade corporativa, a proposta dunha política de deseño para Galicia ou o estudo e arquivo do deseño da comunidade.

Proxectos propios

Ademais, o primeiro encontro destes profesionais tamén contará con presentacións de proxectos autóctonos de diferentes eidos do deseño, como a comunicación visual e a comunicación en Internet.

Nas actividades participarán algúns dos estudos galegos con máis proxección internacional, como o equipo de A Navalla Suíza ou a empresa coruñesa de comunicación visual Costa.

O sábado día 1, ás 11 de mañá, Pepe Barro, promotor deste primeiro encontro de deseñadores, falará de Arquivar, mostrar, estudar o deseño galego.

O encontro pecharase o sábado, ás sete da tarde, coa visita á casa do rianxeiro Manuel Antonio guiada polo escritor Xosé Luís Axeitos, encargado do contido do museo e especialista na figura do poeta de Rianxo.

Máis información, na web www.asociaciondag.org

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Tags
Comentarios

Deseñadores galegos organizan o seu primeiro encontro en Rianxo