«É unha novela que vai encadeando historias, pode ser entendida como moitas novelas»


Unha novela cun formato que o seu autor e o xurado consideran non convencional. Cadeas devolve á actualidade literaria a Xabier López, que gañou en 2003 o premio García Barros.

-¿Como é esa novela que se sae do habitual?

-Creo que o xurado foi valente nese sentido, porque escolleu unha novela pouco convencional. É unha novela fragmentaria pero non minimalista. Creo que diría o contrario: que é maximalista. É unha novela que vai encadeando historias, pode ser entendida como un libro de pequenas novelas, pero tamén ten unha continuidade.

-¿Cal é o fío argumental de todas as pequenas novelas?

-Son cen anos da historia de Galicia, desde finais do XIX ata finais do XX. Pero o que a novela conta en conxunto, o que teñen en común as novelas é a narración de dominacións e sometementos de tipos diferentes, desde o autor sometido aos lectores, pasando pola a guerra de Cuba ou Sidi Ifni, chega ata os anos oitenta.

-Unha historia de Galicia e de dominación. ¿Cre que Galicia é un país sometido?

-Non é nese sentido. O sometemento ou a dominación son historias universais, pero estas son historias universais contadas desde o punto de vista galego, contadas desde aquí.

-¿Como cre que resultará a proposta para os lectores?

-A estas alturas está todo inventado e creo que a proposta é máis que asumible para os lectores e que mesmo permite que cada lector escolla como quere participar na novela.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
7 votos

«É unha novela que vai encadeando historias, pode ser entendida como moitas novelas»