No 92.º aniversario daquel outubro do 1933, o Concello preparou unha programación conmemorativa
11 oct 2025 . Actualizado a las 05:00 h.Unha mostra fotográfica, un espectáculo de monicreques e un magosto serviranlle ao Concello de Malpica para conmemorar o 92.º aniversario do paso das Misións Pedagóxicas pola localidade, o 20 de outubro do 1933. Detrás daquel proxecto, nomes como Urbano Lugrís e Rafael Dieste, e o ánimo de levar cultura e educación a todos os recunchos. Con esta programación que agora promove, o Concello quere pulsar aquel «espírito» das Misións que se poderá revivir nunha mostra visitable do 17 ao 31 deste mes no centro cívico. Imaxes e documentos daquel outubro de hai xa 92 anos. Por outra banda, o sábado 19, na praza Anselmo Villar, AsSircópatas representarán a peza As almofadas soñadores (17.00). A continuación haberá un magosto (18.00). De chover, sería no centro cívico.