Posta de longo en Cerceda de «Os televisores estrábicos»


O cercedense Ramón Vilar (A Tablilla, Rodís, 1973) presentou onte no seu municipio natal Os televisores estrábicos, a súa primeira obra publicada. Fíxoo diante dun cento de persoas, sentadas e de pé, ante as que se declarou emocionado. Ramón non estivo só. Acompañárono moitos veciños, ademais da concelleira María Viqueira, quen destacou o compromiso do Concello coa cultura, coa cultura galega, coa cultura de Cerceda e incluso coa cultura da Tablilla. Tamén estaba presente Alberte, de Distrito Xermar, responsable da edición da portada e do booktrailer do libro -con música de Ataque Escampe e proxectado onte-; e Manuel Bragado, por parte da editorial Xerais.

Este último destacou o feito de ser a primeira presentación de Xerais en Cerceda, así como tamén a oportunidade de ler a un veciño: «Non é só cuestión de afecto, senón de curiosidade, de interesarse na lectura dun libro que crea un novo espazo literario e que el bautizou como Grandil».

Bragado revelou que a crise, condutora dos 14 relatos (13 deles breves), non é máis que un eufemismo das incertezas do tempo actual, así como o orgullo dos editores por ter editado esta obra. Finalmente, Vilar recordou algunha anécdota xornalística, e alertou -por se acaso- de que os relatos son ficción, aínda que os lectores son libres para interpretalos. Espera deles que non fiquen indiferentes aos textos. A súa nai non o fixo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
11 votos

Posta de longo en Cerceda de «Os televisores estrábicos»