Libros que tiran da creatividade e a imaxinación en Carballo

Sete librarías e máis a Biblioteca Rego da Balsa participarán en catro días intensos de actividades: entre o 21 e o 24 deste mes

;
Presentación do programa da Praza dos Libros Serán catro días de actividades, entre o xoves 21 e o domingo 24 de xullo

Volve a feira da creatividade cultural de Carballo. A 11.ª edición da Praza dos Libros mudou a xullo: do xoves 21 ao domingo 24. Animación, obradoiros, presentacións, concertos... e libros. A todo lle dará inicio o pregoeiro, o humorista gráfico Xosé Lois «O Carrabouxo». Participan 7 librarías (Teldy -por vez primeira-, Brañas Verdes, Trasgo, Roget, A Lus do Candil, Ler e Couceiro), ás que hai que sumar o estand do Concello, no que se ubicará a Biblioteca Rego da Balsa. Os libros terán un 10 % de desconto e poderán mercarse de 11.00 a 14.00 e de 18.00 a 22.00. O edil Marcos Trigo deulle onte as grazas á Fundación Luis Calvo Sanz, patrocinadora, polo seu continuo labor de apoio. Moncho Tasende, en representación dos libreiros, incidiu nas novidades e nos autores locais, ademais de lembrar a Agustín Fernández Paz, quen tivera participado nunha Praza. Luciano Calvo, pola súa banda, afirmou sentir orgullo polo feito de poder apoiar unha actividade en beneficio da cultura e do pobo e, ademais, sendo un programa «variado e de calidade». O alcalde, Evencio Ferrero, desexou que as novas datas sexan fonte de éxito: mudáronse pensando nos libreiros e para que non coincida co inicio do curso.

xoves 21 xullo

Comezo da Praza

11.00 • Inicio de actividades.

Burroteca

Toda a mañá • Animación infantil. Contos de Animais.

Pregón: O Carrabouxo

12.30 horas • Inauguración con Xosé Lois, «O Carrabouxo», debuxante. Actúa a Banda de Gaitas de Carballo.

Teatro na mochila

18.30 horas • Contacontos infantil con Anxo Moure.

Presentación literaria

20.00 horas • Presentación da biografía do exfutbolista do Deportivo Donato, escrita polo malpicán Héctor Pose. Acudirán os dous á Praza.

Presentación literaria

21.00 horas • A ceense María Canosa presenta a súa recente novela «DisParo».

venres 22 xullo

Todos con Sanxo

11.30 horas • Actividade creativa coa Biblioteca Rego da Balsa. Para máis de 4 anos.

Vaioviravai

18.30 horas • Concerto infantil con Oviravai. Libro-disco: «As andanzas de Paio».

Presentación literaria

20.00 horas • Poemario «Adagio por outono», do fisterrán Modesto Fraga.

Presentación-concerto

21.00 horas • A carballesa-muxiá Rosalía Fernández Rial presenta o poemario «Contra-acción», coa música de Serxio Moreira de compaña.

sábado 23 xullo

Obradoiros creativos

11.30 horas • Para nenos e nenas, co grupo Crea Formas. Debuxo, pintura, barro...

Vermú científico-literario

11.30 horas • Vermú científico-literario co baiés Jorge Mira, que presentará «A que altura está o ceo?». Conversa.

Concerto, animación infantil

18.30 horas • Con Servando Barreiro e o libro disco «A música das árbores».

Presentación literaria

19.30 horas • Poemario «Oso, mama, si?», con María Lado.

Presentación literaria

20.00 horas • Presentación do libro-álbum «Lémbrome», do carballés Xurxo Chapela.

Música, poesía e humor

21.00 horas • AldaoLado. Música, poesía e humor con Lucía Aldao e María Lado.

domingo 24

«Un libro, un pan»

Toda a mañá • Todas as persoas que merquen un libro nesta mañá serán agasallados cun pan de Carballo.

Presentación: receitas

12.00 horas • «As novas receitas de Benigno Campos». Cociñeiro coñecido, a súa última obra é de peixes e mariscos.

Sesión vermú animada

13.00 horas • Con Sofía Espiñeira e a súa banda, a partir do disco «Alá onde agroman as herba». Música e ritmo.

Concerto infantil

18.30 horas • A partir do libro-disco «Pitusa Semifusa», de Olga Brañas e a súa banda.

Colección Costa da Morte

20.00 horas • Presentación dos libros da colección «Costa da Morte», de Embora: «Reválida de sexto» (José Antonio Andrade), «Coristanco. As súas parroquias» (Evaristo Domínguez) e «Lembranzas de Malpica» (Xosé González). Esta última obra entrou en imprenta nos últimos días.

O ciclo dos elementos

21.00 • Conversa arredor dos libros «A música dos seres vivos», «Dende o conflito» e «En vías de extinción», de María Reimóndez. Con concerto de Canalé Cafuné.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Libros que tiran da creatividade e a imaxinación en Carballo