«Tede coidado coa merda, que se vos bota por fóra»

Regueifa da semana, por Lupe Blanco


Aquí estamos outro día

cantando con alegría

porque andamos de festexos

polas terras de Muxía.

Unha festa mariñeira

que é digna de visitar

pasade polo mercado

chámanlle as rutas do mar.

E de rutas aló vamos

mirade o que vos traio

xa temos o punto rojo

aló no pobo de Baio.

Con pinchos e bos descontos

o programa é de tres días

tolean os comerciantes

por vender a mercancía.

Os que sin van tolear

que agora veu o follón

son os socios do Casino

con tanta especulación.

Disque se van reunir

a ver se chegan a trabo

porque a compra do inmoble

creo que non é barato.

Aquí está claro o negocio

por se algún non o pesca

tiran co Casino vello

para montar un novo Bershka.

Esa é a realidade

aínda que a algúns nos pese

en emblema de Carballo

xa non é de interese.

Tampouco hai que extrañarse

nin que sea unha sorpresa

xa tiraran o concello

e tamén a vella igrexa.

Non vamos sacar máis merda

que tampouco é marabilla

xa vos sae cando chove

por algunha alcantarilla.

Perdoade os de Carballo

é que aquí entrei en trance

obrade con cabeciña

que hai que ter máis alcance.

Así que vou acabar

que vai sendo moita hora

tede coidado coa merda

que se vos bota por fóra.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«Tede coidado coa merda, que se vos bota por fóra»