Aguiño foi o epicentro do Día das Letras durante a tarde
17 may 2025 . Actualizado a las 20:51 h.A tradición das cantareiras ten relevo en Ribeira con Bailadela, que ofreceu unha actuación na Porta do Sol na que participaron integrantes moi noviñas que amosaron a destreza coa pandeireta. Tamén interveu neste acto do Día das Letras a formación As Sete Linguas, da Asociación Francisco Lorenzo Mariño de Aguiño.
Pola tarde a Festa das Letras Galegas trasladouse a Aguiño con inchables, música, refrescos e auga, xornada de debuxo infantil con agasallos para todos os participantes e sorteo de lotes de libros en galego. Tamén actuaron as cantareiras de Bailadela e houbo espectáculo de acrobacias e humor de Kote Malabar. A organización correu a cargo da Asociación Francisco Lorenzo Mariño coa colaboración do Concello de Ribeira.