Fóra asfalto


AUnión Europea emprende unha batalla para mellorar as cidades e vilas coa súa renaturalización, para adaptar os costumes humanos ás necesidades do planeta, revertendo na mellora da calidade de vida dos humanos urbanos. É o cambio de paradigma que se debate en todos os foros internacionais sobre o futuro das cidades.

Catorce millóns de euros son investidos neste momento en tres cidades: Liverpool, Esmirna e Valladolid, nun proceso piloto de investigación sobre as mellores solucións para mitigar a contaminación, para evitar as catástrofes climáticas e para incrementar a esperanza de vida. Trátase, fundamentalmente, de dar un paso atrás na paranoia que creamos no pasado século, na que aínda hoxe están sumidos o 95 % dos alcaldes: asfalto, cemento, pedra, espazos duros, tráfico intenso.

Sabemos que en Valladolid xa procederon a levantar quilómetros de asfalto para colocar terra vexetal e árbores, suprimindo unha inxente cantidade de vías para automóbiles, utilizadas para pasear e para respirar. Coñecemos as novas solucións implantadas en Valladolid, baseadas na natureza, como revestir fachadas e marquesiñas con elementos vexetais ou crear lagoas no centro da cidade. Todo para afrontar o cambio climático e mellorar o ciclo da auga, ese que deseñaron os galegos hai centos de anos.

Un segundo paso será abordar o rural, que en Galicia está sufrindo un dos seus peores pesadelos, porque o soño da maior parte dos alcaldes é asfaltar e cementar as aldeas, e que a medio prazo terán que picar. Tócalle aos nosos alcaldes cambiar o paradigma, tamén concienciar ao pobo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
11 votos
Comentarios

Fóra asfalto