Pozos negros


Desde que os partidos políticos teñen a capacidade de medir ao minuto as reaccións do seu público nas redes sociais e acceden á información da audiencia televisiva ou doutros medios con facilidade, vivimos instalados nunha campaña continua. O clima de demagoxia e confrontación continua xa nos creou unha costra mental de cinismo necesaria para sobrevivilos.

Hai algunha (non moitas) diferenzas entre Juego de tronos e o poder no mundo real, pero o punto no que a serie diverxe máis dunha campaña electoral está en que as personaxes de Juego de tronos son conscientes dos problemas do mundo que lles rodea.

Mentres a maior parte dos nosos políticos discuten na televisión sobre parvadas e imaxinarios, mentíndonos cunha abraiante indecencia, a economía e a política globais están a redefinir todo o planeta como un vendaval invisible, creando oportunidades e pozos negros.

Non lles vin interese ningún en advertir e propoñer solucións para competir nun mundo que vai ser cada vez máis duro. Se cadra porque non saben como facelo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Pozos negros