A procesión marítima será o prato principal

La Voz

Porto do Son celebrará hoxe o seu sentido homenaxe á raíña dos mares, a Virxe do Carme. Unha xornada chea de festa, música e tradición que arrancará co grupo de gaitas Rumbía e coa agrupación musical Virxe da Amargura de Ferrol. Ambos recorrerán as rúas da vila para aportar as súas sintonías aos festexos.

10.30

A virxe sairá en procesión dende a capela da Atalaia con destino á explanada portuaria.

11.00

Comezará a misa solemne no peirao sonense. A coral Aturuxos de Porto do Son será a encargada de poñer as súas melodías para darlle máis sentimento ao rito. Ao remate do oficio relixioso, sairá a procesión marítima. Á chegada dos barcos a terra, a agrupación de Ferrolterra dará un pequeno concerto na zona portuaria.

22.30

As orquestras Olympus e La Phila porán a súa música á disposición de veciños da vila e visitantes. A primeira farao na zona portuaria, arredor das 22.30 horas. Pola contra, La Phila comezará o seu primeiro pase uns minutos despois da media noite.

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A procesión marítima será o prato principal