Ravella anuncia o inicio inmediato dos traballos de reforma da rúa Bouza de Abaixo

As obras da reforma integral da Bouza de Abaixo, unha das rúas principais de Vilaxoán, comezarán de inmediato. Isto será posible despois de que a Xunta de Goberno procedese a nomear á dirección de obra e a coordinación do plan de seguridade. No primeiro caso recaeu na empresa Proyectos y Obras de Estructuras e Instalaciones, SL, cun importe de 13.500 euros, e no segundo, na arquitecta Olalla Ríos Riveiro, por 10.900 euros. En total, actuarase sobre 2.200 metros cadrados nunha rúa de algo máis de máis de trescentos metros de lonxitude. O vial comunica a avenida de Cambados co parque de dona Concha, ao pé do porto, pasando por un dos elementos patrimoniais máis significativos de Vilaxoán, o pazo de Pardiñas. A plataforma será única, con prioridade peonil e, como vén sendo habitual, aproveitarase para renovar todas as instalacións.

---

---

---