Inesperada derrota do Viajes Interrías en Lugo

Derrotas do Dorna e do Breogán, e triunfo do Cum Laude


vilagarcía / la voz

Duro golpe o sufrido polo equipo de cabeceira do Club Xadrez Fontecarmoa na División de Honra da Liga Galega. Lonxe de recuperar o terreo perdido unha semana atrás ante un rival directo e actual líder da competición, o E.X.P.-Universidade de Vigo, o C.X.F. Viajes Interrías Sanxenxo caía o pasado sábado 3,5-2,5 no local de xogo do E.L.X. Seguros Arango de Lugo. E iso que a cousa comezou moi ben para o equipo vilagarcián, con táboas de Dan Cruz e con Roi Reinaldo acadando o único triunfo visitante, sobre Pérez Carballo.

A partir de aí, as partidas dos tres Julios do C.X.F., González, Torrado e Suárez, que tan ben pintaban de inicio, fóronse revirando, co primeiro perdendo a seu duelo, e os dous restantes repartindo os puntos cos seus adversarios. Con empate a 2,5, a derrota de Lucas Abal diante de Pablo López endosoulle a segunda derrota consecutiva a un Viajes Interrías que se mantén cuarto con 13,5 puntos, a 2 dos colíderes E.X.P.-U. Vigo e do USC, este último o seu vindeiro rival.

Na Primeira División, o C.X.F. Baños Print obtivo un empate a 2 no local de xogo do líder, o Padrón A, co Dorna Vengarco encadeando a súa segunda xornada en negativo, 0-4 co E.X.P.

Mentres, no grupo D da Segunda rexistráronse estes resultados con acento arousán: C.X.F. McDonalds (líder) 4-0 Breogán (pechacancelas), Portas 1,5-2,5 X. Cum Laude, e CCD Sanxenxo B 1,5-2,5 C.X.F. Casa da Xuventude.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Inesperada derrota do Viajes Interrías en Lugo