O Asmubal, a evitar o último posto para soñar coa repesca

As de Víctor Garrido precisan sacar a lo menos un punto da súa visita ao pechacancelas, Seis do Nadal, esta tarde


vilagarcía / la voz

Ás sete da tarde de hoxe comeza o Asmubal Meaño a súa derradeira hora como equipo da División de Honra Prata Feminina ata cando menos a tempada 2019/20. Ou non. O equipo que dirixe Víctor Garrido pelexa hoxe por un triunfo ou, como mal menor, un empate co que evitar que o seu anfitrión, o Magope Seis do Nadal Coia, o acabe superando nunha clasificación na que o cadro vigués chega pechacancelas á derradeira xornada de Liga. E é que, explica o técnico do cadro do Salnés, rematar penúltimo podería non supoñer o descenso directo que sobre as bases de competición leva aparellado o posto ao termo da competición.

«Temos varias posibilidades de non descender quedando penúltimos», conta Garrido. «O Camargo, actualmente no noso grupo da D.H.P. Feminina, pasará a formar parte do grupo noroeste a vindeira tempada xunto cos demais equipos cántabros e vascos da categoría. Por outra parte, o CLEBA é un dos favoritos a subir á División de Honra, polo que de conseguilo, e visto que ningún dos dous conxuntos que están en descenso en D.H. baixaría para o noso grupo, podería quedar outra praza libre». E como última bala, o adestrador do Asmubal barralla tamén «o caso de que ningún equipo galego ou asturiano subise, o que podería supor a permanencia do Seis do Nadal e mais de nós».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Asmubal, a evitar o último posto para soñar coa repesca