Ramón Caride presenta o seu novo libro
23 nov 2016 . Actualizado a las 05:00 h.Ramón Caride non ten parada. Hai medio ano presentaba un disco cedé no que experimentaba cun formato literario no que mesturaba a poesía coa música: «Xeografía do deserto». O escritor ourensán afincado en Cambados volve á narrativa coa quinta entrega, a última, da serie futurista de temática ecolóxica que asina o autor. Este venres presenta en Cambados «O camiño da Estadea», que conta a aventura de Sheila e Said, iniciada hai dúas décadas con «Perigo Vexetal» e que seguiu logo con «Ameaza na Antártida», «O futuro roubado» e «E negrura do mar». Para dar conta do que pasou na derradeira viaxe destas dúas personaxes, Caride vai da man de Xerais Fóra de Xogo. O prezo de libro é de 12 euros e é novidade de novembro.
Venres día 25 • 19.30 horas • Exposalnés (Cambados) • Entrada libre • Interveñen Maribel Iglesias, Manuel Bragado e Manuel Núñez •