Julio Alonso, da Asociación Vilagarcía Esgrima, bronce no encontro de Santiago
VILAGARCÍA / LA VOZ
AROUSA
O club arousán participou con cinco tiradores da súa canteira
17 feb 2026 . Actualizado a las 05:00 h.A base da Asociación Vilagarcía Esgrima (AVE) acudiu o pasado sábado con cinco tiradores ao Encontro de miniesgrima de categorías inferiores organizado no pavillón municipal de Pontepedriña polo club Compostela Esgrima (COMES) e a Federación Galega de Esgrima.
Na categoría dos rapaces de maior idade, a M13, o arousán Nicolás Piñeiro finalizou no posto undécimo. No cadro de competición de M11, Darío Aguadoque completou o torneo décimo, coas súas compañeiras Adela Álvarez e Candelaria Muñiz ocupando os postos vixésimo segundo e vixésimo terceiro, respectivamente.
A maior alegría para o AVE chegou na categoría dos máis novos, a M9. Nela, Julio Alonso subiuse ao caixón do podio como terceiro no ránking xeral final da cita compostelá.