«A Illa non é un cemiterio de barcos», protesta o patrón maior

Juan Rial Millán manifesta o seu malestar por que inda non se retirasen do Xufre o veleiro e o iate accidentados


A Illa / la voz

O 5 de decembro afundiuse un antigo veleiro na dársena do Xufre (A Illa). Vinte días despois aparecía varado no Naval o Norda, un buque de investigación de dous paus reconvertido en iate. Onte, ámbalas dúas embarcacións seguían no mesmo sitio á espera de seren reflotadas para trasladadas a outro lugar.

O patrón maior da confraría da Illa, Juan Rial Millán, non agocha o seu malestar por esta situación e reclama ás autoridades competentes que actúen de inmediato. «A Illa non é un cemiterio de barcos, hai que sacalos xa».

Rial argumenta que estas embarcacións representan un perigo para a navegación «e se chega a pasar algo, quen se vai facer responsable?», pregúntase. No primeiro caso, o barco foise a pique coincidindo cunhas fortes chuvias e tendo en conta que tiña unha vía de auga, quedando só á vista un cacho do seu pau maior. Salvamento Marítimo procedeu o domingo 6 a sinalizar a zona con boias e limpar unha mancha de combustible, pero na confraría da Illa consideran que non é suficiente e alertan dun posible accidente marítimo. Desde Portos de Galicia informaron de que estaban a facer xestións para localizar ao dono da embarcación -que non reside na Illa- e instalo a que proceda á súa retirada, pero pasadas tres semanas, nada se moveu no Xufre. En canto ao Norda, Millán teme que un posible vertido de combustible procedente do barco poida chegar a estragar o banco marisqueiro próximo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

«A Illa non é un cemiterio de barcos», protesta o patrón maior