As 25 prazas para participar na actividade esgotáronse
16 feb 2020 . Actualizado a las 05:00 h.O complexo intermareal Umia-O Grove é o escenario escollido para a segunda das rutas ornitolóxicas de «Voando nas Rías Baixas», o programa da Deputación de Pontevedra en colaboración con SEO-Birdlife, que a través de cinco excursións guiadas permite ao público coñecer de xeito gratuíto a riqueza ornitolóxica da provincia de Pontevedra.
As 25 prazas ofertadas para esta ruta, nun espazo protexido pola Rede Natura 2000 e Reserva Ornitolóxica máis grande de España, esgotáronse en tan só 15 minutos.
O escenario, declarado reserva ornitolóxica de SEO/Birdlife do Grove, é un dos mellores lugares para a observación de aves acuáticas invernantes, de feito máis de
18.000 aves pasan os meses de frío neste espazo da provincia. Durante a excursión, os participantes poderán observar cullereiros, gavitas, virapedras, pilros, píldoras, mazaricos, píllaras, biluricos, distintas especies de patos, garzas, gaivotas, carráns, mobellas e corvos mariños, entre outras especies.