29 mar 2011 . Actualizado a las 06:00 h.
Os nacionalistas de Cambados consideran que o casco histórico da súa vila está sometido «á improvisación e á especulación, á falla de aparcamento e á invasión dos automóbiles». Por iso, a candidatura que lidera Víctor Caamaño propón un «urbanismo racional, baseado nun Plan Xeral de Ordenación Municipal e preparado para humanizar as rúas, primando a peonalización e a redución da velocidade dos vehículos».
Como mensaxe, o Bloque aposta por lles devolver aos veciños as rúas, «impulsando o comercio de Cambados e un turismo de calidade, así como a mellora na calidade de vida dos veciños e veciñas», tal e como figura nun vídeo colgado en Youtube.