13 mar 2008 . Actualizado a las 02:00 h.
Os sociólogos cristiáns seguen asustados por esta modalidade de vida que se vai organizando arredor dos adosados. Persoas organizadas en dúos, en casas pareadas con tendencia a illarse do exterior porque, para o que hai que ver, mellor quedar a ver que pasa coa cafeteira.
Uróc Teatro entra nun dos chalés do extrarradio para explicarnos como é a vida a dúo. A vida debe ser máis ou menos monótona, pero eles fan proposta de conversa variada, de repaso lento a tantas cousas que aparentemente suceden no mundo exterior e que o mesmo son asuntos que parecen de hoxe pero que están sen resolver desde moito antes que aquel monte estivese destinado a ser o solar dunha urbanización na que todas as comidades burguesas encontrarían a súa percha.