05 sep 2007 . Actualizado a las 02:00 h.
A Fundación de Deportes de Vilagarcía vén de abrir o prazo de inscrición para as súas actividades de inverno para adultos, para as escolas multideportivas e para a escola de deporte base.
O prazo de inscrición para as actividades para adultos rematará o vindeiro día 27, cunha oferta que inclúe ximnasia de mantemento, ximnasia na piscina, aeróbic, ioga, tai chi e bádminton. Pola súa banda, a matrícula nas actividades para escolares estará aberta durante todo o curso. Asimesmo, a Fundación puxo de novo a disposición dos seus usuarios a renovación do seu carné 2007/2008.