«A min gústame mirar polo furadiño»

Yolanda García Ramos
yolanda garcía VIVEIRO / LA VOZ

A MARIÑA

PEPA LOSADA

Grazas ao colectivo viveirense, mañá chegará á cidade o VIII Certamen Expofoto

02 nov 2017 . Actualizado a las 05:00 h.

Con motivo desta entrevista, a Antonio Ben tócalle esta vez mudar de rol. Agora é o fotógrafo fotografado... pero, como leva ser obxectivo da cámara?: «Mal. Son máis de estar detrás da cámara. Poucas veces estou diante. A verdade é que non me gusta que me saquen fotos. Son mal modelo realmente (ri)».

-Que imos ver en Expofoto?

-Vai haber uns dez traballos diferentes, cada un vai presentar o seu e vai haber unha disertación sobre o que se acaba de ver. Ademais, Simón López, que fai fotografia nocturna, soe implicar ao público e vailles pedir que encendan os teléfonos para facer un light painting. Alí vai xogar coa escuridade do teatro.

-No listado de participantes fáltame por exemplo un de Viveiro, claro referente en astrofotografía.

-Non, porque Dani (Caxete) está en Madrid. Ainda que el é un «negativo» de pro.

-Esta é a primeira vez que Expofoto chega a Viveiro?

-Dende logo! E a nivel de provincial tamén. O Concello de Viveiro amosou interese e cedeu o Teatro para poder facelo aquí. Cal é gran hándicap de todo isto? Meter xente no Pastor Díaz e cobrar 5 euros. Porque a xente, en xeneral, aínda non valora que a fotografía sexa algo polo que hai que pagar. A noa ilusión sería que estivera cheo cheo.

-Tocando un tema sensible e actual, como califica usar sen permiso e/ou sen pagar imaxes?

-Roubo é cando fas un uso inapropiado do que non é teu. Creo que non está asumido que descargar unha canción ou publicar unha foto sen permiso sexa un roubo. Estamos saturados, todo o mundo fai fotos e estamos nun mundo en que ‘todo vale’... Penso que é unha batalla perdida. Ainda que non teñas dereitos de autor, hai propiedade intelectual e é un produto teu e tes dereito a que alomenos se usan a foto pidan permiso. Tamén hai que diferenciar amateur de profesional.

-Coas redes sociais e con Internet extendeuse o problema?

-Si. Pénsase ‘todo vale’, erroneamente. De novos todos copiabamos unha cinta de música e ninguén daquela dixo que era pirata pero era. O mesmo pasa coas fotos. O que peor me parece é que che recorten a firma; é alevosía. ‘Mira eu regáloche isto, que menos que o respectes’, penso...

-Ten conta de Instagram?

-Teño Instagram pero todavía non o entendo ben. Eu utilízoo para divulgar o meu traballo.

-Algunha foto súa foi viral?

-Puido ser... e se foi, non me enterei (ri). Eu colaboro en eventos deportivos e a maneira de dalos a ver é a través do Facebook.