20 jun 2008 . Actualizado a las 02:00 h.
Un ovelo de lá e dúas agullas son as armas da compañía Teatro do Morcego para loitar contra o machismo. Sobre a obra de María Reimóndez e baixo a batuta de Celso Parada e Mabel Rivera xorde O club da calceta. Seis mulleres reflexionan sobre a condición femenina facéndonos partícipes da súa historia. Hoxe a compañía sobe ao escenario do Auditorio Municipal de Ourense a partir das 20.30 horas.