Nais e fillos é o título do capítulo de Matalobos que esta noite emite TVG (22.40 horas). Dona Carme desapareceu, o que pon en alerta a todo o clan dos Matalobos. Carmelo non sabe que o alzhéimer nubra a mente da súa nai, que vaga desorientada. O capo está convencido de que se trata dun secuestro e xa ten un sospeitoso. Irene e Zico saben que dona Carme está enferma, pero cren que Carmelo non reaccionará ben ante a noticia. A Garda Civil non deixará pasar a oportunidade de levar á anciá ao cuartel para intentar sacarlle información sobre o asasinato do seu fillo pequeno. No entanto, Carmelo está a organizar un novo método de distribución.
Xusto antes do capítulo, chegará a quinta entrega de 15 Zona. Cerco ós Matalobos (22.20 horas), no que a Garda Civil explica, en primeira persoa, a función dos seus axentes. Esta semana, falará dos corpos que traballan en plena natureza na vixilancia de montes.
«As señoras que son nais sempre me din pola rúa ?non podes ser tan mala cos teus pais?»