Pose Mesura considera que o ministro «é un traballador, un currante, e non vai estar desactivado nunca»
09 dic 2011 . Actualizado a las 06:00 h.O delegado do Goberno é, ante todo, un político. Que vive a política con paixón, e que sinte como propia a debacle socialista.
-Foi un duro golpe.
-Escapóusenos moito voto pola esquerda. E moita outra xente quedou na casa. Hai que volver a sintonizar. ¿Como se pode facer? Falando coa xente, pateando. Ademais de saír nos medios de comunicación, hai que estar cos veciños
-¿Que máis ten que facer o PSOE?
-Para poder recuperar os votos perdidos, primeiro hai que pasar o deserto. E despois, xa veremos.
-¿Vostede con quen está, cos de Pachi Vázquez ou cos de José Blanco?
-Eu son dos que están con Pablo Iglesias, un gran home que nun momento da súa vida decidiu fundar un partido e tamén un sindicato irmán para tratar de estar sempre e de axudar aos menos favorecidos da sociedade. Os que defenden iso son dos meus. Os que defenden outras prioridades non están do meu lado.
-Blanco foi moi castigado polo caso Campeón.
-Penso que se foi moi inxusto con Blanco. Era o elemento a batir, pero hai que ter en conta que non está imputado, que se di que un delincuente deu o nome de Blanco, pero iso non significa nada.
-¿Fixéronlle moito dano?
-A Blanco crucificárono, condenárono previamente, machacárono. E debe estar pasándoo mal. Ten toda a miña solidariedade.
-¿Blanco está desactivado?
-Blanco non vai estar desactivado nunca. É un traballador, un currante. E segue no Congreso representando a Lugo. De desactivado nada.
«Para recuperar os votos perdidos, o PSOE ten que pasar primeiro o deserto»