Investigadores da Politécnica estudan as propiedades físicas do piñeiro, o carballo ou o eucalipto
LEMOS
Un grupo de investigadores da Escola Politécnica Superior (EPS) de Lugo traballa no estudo das propiedades físicas da madeira procedente de claras en varios proxectos vinculados á Unidade de Xestión Forestal Sostible (UXFS) da USC. A partir destas mostras, que son as cortas de árbores novos e de pequenas dimensións que se eliminan da masa forestal para favorecer o crecemento do resto das árbores que permanecen en pé. Nos últimos tempos, a investigación centrouse de xeito maioritario no piñeiro, o carballo, o eucalipto ou o castiñeiro.
Segundo sinala o profesor Guillermo Riesco, a madeira que se extrae do monte ao efectuar claras ten un importante valor comercial e emprégase na industria. De aí o interese desta en coñecer as súas propiedades para darlle o mellor destino tecnolóxico. As análises que se están levando a cabo neste momento concéntranse no piñeiro de Oregón, o carballo e o bidueiro, contando con axudas de empresas do sector, a Xunta e a propia USC. Unha das propiedades analizadas é a do poder calorífico deste tipo de madeiras para poder analizar o seu rendemento enerxético.