«¡Como non nos movamos nós coa promoción do Patrimonio Europeo, aquí ninguén fai nada!»

O Cabo Fisterra ten a distinción de Patrimonio Europeo, un galardón que teñen só outros catro lugares en España e medio centro en Europa. Anunciouse case como unha revolución, cun rango inmediatamente inferior ao do Patrimonio da Humanidade, pero de momento non se notou moito.

-¿Non lle dá rabia que non se faga nada? Só hai unha plaquiña alí preto do faro.

-A ver agora co plan especial. Cando xa estea deseñado e aprobado, poderemos sacarlle un bo rendemento a ese título tan importante. Iso é o que espero. Houbo moitas e moi boas palabras. Mesmo Sarkozy, na presidencia de quenda da UE, anunciou un impulso a este galardón, pero non houbo nada. Tócalle o quenda á española, e veremos que pasa. ¡Como non nos movamos nós coa promoción do Patrimonio Europeo, aquí ninguén fai nada! Pero, en fin, tamén é a nosa obriga.

-¿Como van as escavacións no entorno da ermida de San Guillerme? Ou, mellor dito, ¿como irán?

-Si, como irán, porque aínda non comezou a campaña deste ano. Espero que o fagan axiña, porque co outono hai menos luz e peor tempo. Confío en que empecen antes de fin de mes.

-¿É posible que haxa máis escavacións en Fisterra? Refírome a outro punto.

-Pois igual si. Xa veremos. Hoxe [por onte] aproveitamos para ver o castro de Castromiñán. É un xacemento importante, que xa estivo a punto de ser esvacado, había un proxecto de Alonso Romero. Foi fai uns dez anos, e quedou en nada. Veremos se o podemos retomar.

-¿Que tal andan de visitantes este ano? ¿Haberá récord?

-Non sei se o haberá ou non. Este ano hai moita xente, salvo eses días de xullo nos que fixo mal tempo. Teño a esperanza de que, para o ano que vén, co Xacobeo, si se poidan bater récords.