12 dic 2010 . Actualizado a las 02:00 h.
O Xurado do XXIII Premio de Poesía Eusebio Lorenzo Baleirón, que convoca o Concello de Dodro, reunise onte para o fallo do certame. Por unanimidade, acordou outorgar o premio ao traballo presentado baixo o lema Palabras e palabras e palabras. Aberta a plica, resultou gañador o mozo Luís Valle Regueiro, que xa ten conseguido outros premios de poesía.
Neste caso, o xurado destacou a profundidade temática, a orixinalidade das imaxes, a musicalidade e un impecable coidado da lingua.
Ademais, os membros do xurado salientaron a calidade en xeral das obras presentadas así como o elevado número (45) das que concorreron a este certame, o que fala da importancia que o premio Eusebio Lorenzo Baleirón ten no ámbito da literatura galega.