09 ago 2010 . Actualizado a las 02:00 h.
Á espera dos resultados da Feira do Libro da Coruña, a de Cangas é a única das celebradas ata agora que non baixou en público e vendas con respecto ao ano pasado, segundo explicou Fernández Maira. Tanto Bragado como Freixanes laiáronse de que a feira de Vigo fora «moi mala» este ano, aínda que Fernández Maira matiza que tres dos días coincidiron con partidos do Mundial de fútbol «e eses días non había ninguén». De calquera maneira, a federación estudará posibles solucións para esta feira. Das dez programadas en Galicia para este ano quedan tres que se celebran este mes: Viveiro (13 ao 16), Foz (19 ao 22) e Monforte (25 ao 28).