O BNG de Baralla vai levar unha iniciativa ao vindeiro pleno ordinario do Concello para instar á Consellería de Medio Ambiente a que axilice e finalice o proceso de adxudicación da obra de selado do vertedoiro municipal de lixo. O voceiro nacionalista, Xosé Manuel Becerra, lembrou que foi o goberno bipartito da Xunta o que aprobou no seu día un orzamento de máis de 240.000 euros para o selado do vertedoiro municipal de Baralla, e dende entón «o PP non deu ningún paso máis na adxudicación da obra, paralizada desde o mes de xaneiro».
Becerra subliñou que xa pasaron bastante máis dos famosos cen días «e no único que se notou o goberno do PP é en que pararon o proxecto». A licitación produciuse en xaneiro e segundo o proxecto a actuación consiste na construción dun muro de escollera, o movemento de residuos, a creación dunha cuberta de selado e drenaxes para pluviais e almacenamento de lixiviados, sistema para a evacuación de gases, a revexetación do terreo e a rexeneración do firme do camiño que dá acceso ao vertedoiro.
Dende o BNG pídenlle ao alcalde que defenda os intereses de Baralla.
En breve los contactos recibirán en su correo electrónico un enlace a la noticia
Gracias por usar nuestros servicios
Revise sus datos y vuelva a intentarlo
Si se vuelve a producir un error, es posible que el servicio está momentáneamente no disponible. Inténtelo más tarde.
Disculpe las molestias. Gracias por usar nuestros servicios