Durante o domingo e o luns, en Tor poderá verse a exposición Un pazo de cine , que recolle imaxes e documentos sobre a utilización desta histórica contrución como plató de cinema. En Tor foi rodada en 1976 a maior parte da longametraxe Beatriz , dirixida polo cineasta e escritor asturiano Gonzalo Suárez e interpretada por Carmen Sevilla, José Sacristán, Jorge Rivero, Nadiuska e Sandra Mozarowksi. En 1994, por outro lado, filmáronse no pazo algunhas escenas do filme de Manuel Gutiérrez Aragón El rey del río , no que actuaron, entre outros, Alfredo Landa, Carmen Maura e Héctor Alterio. O labirinto ario é por agora o último filme rodado neste espazo.
A exposición poderá verse o domingo a partir das once de mañá. O luns, unha xornada na que o pazo permanece habitualmente pechado, célebrase precisamente o Día Internacional dos Museos, polo que se fará unha excepción para acoller visitas durante todo o día.