O videoclip «Galegando» do instituto obtén o premio do público no concurso audiovisual galego OlloBoi
DEZA
O «lipdub», unha especie de videoclip, elaborado por alumnos do IES Pintor Colmeiro de Silleda, ademáis de gran número de visitas -xa supera as 6.000 en Internet-, tamén colleita éxitos. Esta semana acadou o premio especial OlloBoio do público no segundo concurso audiovisual Galego OlloBoi. Este certame está organizado polos Colectivos Rodaxe Obradoiro Audiovisual e Impinxidela ENDL, ambas entidades radicadas no Barbanza. Segundo explican dende o centro, o lipdub «Galegando» tamén obtén recoñecementos dende varios ámbitos, especialmente «do mundo da docencia e dos colectivos de internautas», con frecuentes mensaxes de apoio e con referencias en blogs. «Os organizadores do lipdub están sorprendidos e agradecidos pola acollida que está recibindo o seu traballo e non desbotan a posibilidade de seguir traballando neste sentido, aplicando as novas tecnoloxías ao seu quefacer académico», sinalan dende o centro, que lembra que o video foi emitivo pola TVG o Día das Letras Galegas.