23 may 2010 . Actualizado a las 02:00 h.
A Fundación Deportiva Municipal da Illa de Arousa vén de aprobar na última xuntanza do seu órgano rector a distribución da súa partida anual de 35.000 euros a entidades deportivas locais que fomentan o deporte base.
O Céltiga foi o club máis beneficiado no reparto, ao recibir 8.696,24 euros. Case a mesma cantidade que lle tocou ao Piragüismo Illa de Arousa, que percibe 8.450,12. A Asociación Cultural e Deportiva Dorna ingresa pola súa conta 11.134 euros, 7.653,16 correspondentes á súa sección de baloncesto, 3.199,56 pola escola de vela tradicional, e 281,28 pola súa escola de xadrez. Por último, o Ximnasia Rítmica Arousa lévase 6.703,84 euros da partida da Fundación.