25 mar 2009 . Actualizado a las 02:00 h.
A Sala Nasa convoca para o venres, ás 18.30 horas, no Obradoiro, a un «acto ridiculista en defensa da liberdade de expresión» no Día Mundial do Teatro. A sala convida aos que frecuentan as súas actividades a que acudan a sacarse dúas fotos co seu equipo de artistas e técnicos. Na primeira foto aparecerán «como terroristas, coa cara cuberta», e na segunda «tal e como somos en realidade, coa cara descuberta, o noso nome e a nosa ocupación profesional». As fotos serán autografiadas e enviadas ás persoas que acusaron á sala de terrorismo e de «executar actos de violencia urbana» para que «saiban quen somos e para que vexan que non temos nada que ocultar».