Tanto a portada como o cartel do libro son do pintor Jaime Falcón, que ven colaborando dende hai anos, e os apuntes sobre distintas capelas e igrexas son do arquitecto Rafael Fontoira, outro colaborador dende o o primeiro ano.
No libro, do que se editaron 1.800 exemplares -«que se repartirán por todo el mundo, Estados Unidos, Rusia, Francia, Italia, Alemania...»-, figura a programación completa ademais de artigos de prestixiosos profesores e especialistas.
En canto a programación cultural, o ciclo de conferencias A arte en Galicia será en abril, no Café Moderno, e versará sobre temática franciscana con charlas sobre os mendicantes, a iconografía franciscana, a presenza desta orde e a súa influenza na cidade e as súas manifestacións artísticas durante a idade media.
No mes de maio desenvolverase o curso internacional sobre o Camiño de Santiago e a arte, tamén no Café Moderno.
En canto a música, están programados oito concertos de música clásica no teatro Principal a cargo de intérpretes noveis, aos que a Fundación dalles unha oportunidade de ser escoitados. Na igrexa conventual de San Francisco celebraranse outros tres concertos, o primeiro no mes de marzo, a cargo da orquestra de cámara Ensemble de Vigo 430; en abril estará a orquestra, coros e solistas da la Fundación Conservatorio Rexional de Gaia, Portugal, e en maio, a Coral Polifónica de Pontevedra ofrecerá un concerto homenaxe ao franciscano Luis María Fernández Espinosa.