Seguramente moita xente o vexa durante estes anos por distintos lugares do campus de Ourense. Os alumnos roldando polos corredores e o resto das persoas ao inicio de calquera conferencia no campus. O ourensán Víctor Lorenzo leva dous anos cunha bolsa da Universidade de Vigo para a realización de distintos traballos audiovisuais.
-¿Canto tempo leva realizado este traballo?
-Levo cunha beca da Universidade de Vigo no campus de Ourense dous anos. Trátase dunha bolsa dun ano e é renovable.
-¿É a única persoa que desempeña esta función?
-Si, no campus de Ourense estou eu so.
-¿Cales son as súas funcións?
-Fago o mantemento do servizo de videoconferencias e gravo todas as conferencias que ten lugar na Facultade de Dereito e ás veces noutras. Logo as subo a un servidor común.
-¿Pódense consultar todas sempre que se queira?
-Non pode entrar no servidor o que queira. É necesario pedir antes unha autorización.
-Vostede é o que se encarga de que todo o material tecnolóxico estea en orden e funcione.
-Si, somente do que ten que ver co audiovisual. E de colocar nos actos a infraestrutura necesaria para que todo funcione.