Este ano terá un acto simbólico no local creado grazas a emigrados a Estados Unidos e Cuba
28 feb 2024 . Actualizado a las 05:00 h.Tan adiantado ao seu tempo era o Centro Instructivo de Cervás, que os seus socios tiñan cobertura económica en caso de incapacidade laboral. Ares celebra agora o seu centenario, cun acto simbólico este mércores ás 18.00 horas de «conmemoración da promulgación dos primeiros estatutos». A entidade creouse entre 1922 e 1924, primeiro como local alugado e despois co alzado do actual edificio por 14.000 pesetas. Recadáronse entre emigrados a Estados Unidos e Cuba.
Deste centro de Cervás tamén se destaca a súa loita veciñal, xa que estes bens foron incautados en 1936 polo franquismo. Desde entón os veciños piden a restitución das propiedades do Centro de Instrucción, Protección e Recreo de Cervás á sociedade do mesmo nome: algo que aínda non acadaron.
No acto de hoxe tamén se amosarán unha placa comemorativa e unha obra do pintor Victor Rodríguez Espiñeira creada para o evento.