Ignacio José Barreiro Bello, Nacho (Baio, 1977), adestrador do Fisterra, asume que vai ser unha final moi igualada.
-¿Como se lle presenta a final?
-O campo prexudícanos, pero en intensidade e ilusión somos mellores. Eles teñen a vantaxe no factor físico, por iso as dimensións do campo non van con nós.
-¿O Dumbría é o favorito?
-Eu penso que será unha final igualada. Nós compensamos o seu potencial físico coas ganas que teñen os meus xogadores. A un partido todo pode acontecer.
-É a primeira final que vai disputar vostede.
-É certo. Por iso e porque será o último partido co Fisterra e será moi especial. Sempre me gustou disputar unha final de Copa da Costa e agora chega o momento.
-¿Non seguirá no Fisterra?
-Non. Creo que o meu ciclo de catro anos toca ao seu fin. Non teño ningún tipo de destino noutros equipos neste intre. Está claro que é o momento de deixalo e gustaríame marchar cun título como é a Copa da Costa.
-O Dumbría gañoulles na liga nos dous encontros.
-Pero esta é unha final e a un só partido... Por iso o abano de posibilidades é maior para calquera dos equipos que chegamos a disputar o título. Confío nos meus xogadores para gañala.
Nacho deixará o Fisterra ao remate da final despois de catro años.