O Concello de Lugo entregou os galardóns aos gañadores do certame de contos Trapero Pardo
LUGO CIUDAD
O Concello de Lugo entregou onte os premios aos gañadores do décimo cuarto certame de contos e relatos curtos Trapero Pardo. Na categoría de 12 a 14 anos o xurado outorgou o primeiro premio ao relato Moras de setembro , presentado por María Elena López González, do colexio Nosa Señora da Asunción, de Sarria. O segundo premio foi para Tuatha dé Danann , escrito por Iris González Rivas, do IES Basanta Silva, de Vilalba; mentres que o terceiro galardón correspondeulle a Delirios nocturnos , de Brais Lamela Gómez, tamén alumno do IES Basanta Silva de Vilalba. Neste nivel o xurado acordou conceder unha mención honorífica ao relato Mapas , de Lucía Sánchez-Montaña, do colexio Padres Franciscanos de Lugo.
Na categoría de 15 a 18 anos, o primeiro premio foi para Anxos Fazáns Estévez, do IES Nosa Señora dos Ollos Grandes (Lugo), co relato Cando o destino xoga ás escondidas . Tania Menéndez García, do IES Perdouro de Burela, obtivo o segundo posto coa obra Ben merecido . Finalmente, o xurado concedeu o terceiro premio a Pablo Santomé Izquierdo, tamén do IES Perdouro, con Memorias dunha bisavoa .
Presidiron o acto de entrega o alcalde de Lugo, José López Orozco, e a concelleira de Educación, Dolores Vieiro.