En Veterinaria a docencia en lingua galega apenas chega ao vinte por cento

Para Xusto Rodríguez Río, o galego no eido veterinario atravesa por dúas situacións bastante contrapostas. Por un lado, é a lingua maioritaria no que se refire ao traballo de campo que este profesionais levan a cabo cos propietarios dos animais. Sen embargo a situación cambia totalmente no apartado da formación, xa que a docencia en galego na Facultade de Veterinaria sitúase arredor do vinte por cento. Como di Rodríguez: «un alumno pode pasar ata un ano enteiro sen recibir clases en galego». Para este membro do Servizo de Normalización Lingüística da USC, isto representa unha grande carencia e considera que sería bo para a formación e a capacitación dos veterinarios que recibisen máis clases en galego.

---

---

---