A Demarcación de Carreteras del Estado fixou para o próximo mes de xaneiro os levantamentos de actas previas á ocupación de terreos necesarios para levara cabo a reordenación dos accesos á estrada N-120 nos municipios de A Pobra do Brolón, Ribas do Sil e Quiroga.
No primeiro destes municipios, o levantamento de actas levarase a cabo o 22 de xaneiro. O proceso desenvolverase en Ribas do Sil ao día seguinte e en Quiroga, o día 24. Nos tres casos, a tramitación efectuarase nas respectivas casas consistoriais entre as nove da mañá e as dúas da tarde. A estes actos deberán acudir os propietarios de todos os terreos afectados ou os seus representantes autorizados, que haberán de presentar os documentos acreditativos das súas correspondentes propiedades e o último recibo do imposto de bens inmobles.