«Co xacobeo 2010 poremos a Galicia no mapa do mundo»

La Voz

ECONOMÍA

06 ene 2008 . Actualizado a las 02:00 h.

Blanco fala con orgullo da boa marcha da industria galega, «o motor da economía», aínda que advirte que «non nos podemos durmir».

-En creación de emprego, produción industrial e exportacións temos índices que triplican aos do Estado. A industria, o comercio e a hostalería son os que están mantendo estes niveis de crecemento. Este non é un mérito só da consellería, senon que hai confianza e os empresarios están facendo apostas importantes.

-Industria está a miúdo no candeeiro por temas polémicos: Serrabal, o peche de La Toja, o enésimo fiasco en Fene, Reganosa...

-E normal que unha consellería como a de Industria estea sempre metida en cuestións polémicas. A min tocoume de todo. De tódolos xeitos, aínda onte [polo xoves] lin que Sarkozy lles vai pedir obxectivos aos ministros, e non me parece unha tolería. Estás para dar resultados. E se non es capaz, sexas culpable ou non, acabouse a cousa e a outra historia.

-¿E estanse a dar eses resultados? ¿Que queda para á segunda parte da lexislatura?

-Toda as leis que tíñamos previstas van saír e o cumprimento dos obxectivos é moi bo. No tema do turismo, que vai como un tiro, estamos nos seis millóns e pico de turistas e non é un despropósito pensar que no xacobeo podemos achegar aos dez millóns. Estamos xa estudando todo: que tipo de turista vai vir, que vén buscando, que lle imos ofrecer. Iso ten que estar todo rematado a finais deste ano. Ademais haberá actuacións importantes que temos que pechar xa no 2008. Vai ser un xacobeo moi potente, que nós queremos utilizar para poñer a Galicia no mapa do mundo. Imos vender xacobeo e Galicia.